१४ चैत, रामेछाप । उमाकुण्डमा खुल्ला वडा स्तरिय भलिबल प्रतियोगिताको उपाधि बाम्तीले जितेको छ ।

गाउँपालिकाको केन्द्र समेत रहेको वडा नं ५ प्रितीले आयोजना गरेको खुल्ला वडा स्तरिय भलिबल प्रतियोगिताको उपाधि वडा नं १ गुम्देललाई हराउदै वडा नं २ बाम्तीभण्डारले जितेको हो ।

प्रतियोगिता जितेसंगै बाम्तिले प्रथम पुरस्कार नगद ५० हजारसहित शिल्ड, मेड र प्रमाणपत्र हात परेको गुम्देलका खेलाडी शोनी शेर्पाले रामेछाप टाइम्सलाई जानकारी दिए ।

७ टिम सहभागी प्रतियोगितामा दोस्रो हुदै गुम्देलले नगद ३५ हजार शिल्ड, मेड र प्रमाणपत्र पाएको छ ।

त्यस्तै वडा नं ३ कुँबुँकास्थलीले तेस्रो बन्दै नगद २० हजारसहित शिल्ड, मेड र प्रमाणपत्र प्राप्त गरेको छ ।

सान्त्वना भन्दै आयोजक वडाको विद्यालयको टिम चण्डेश्वरी मावि बनेको छ ।