कैलाश ढुङ्गेल भन्दा ‘कान्छाराम’ १७५५ मतले अगाडि
७ मंसिर, रामेछाप । प्रतिनिधि सभा तर्फ नेपाली कांग्रेसका पूर्णबहादुर तामाङ ‘कान्छाराम’ ले मत अग्रता फराकिलो पारेका छन्। उनी मत गणना सुरु भएदेखि उनी निरन्तर अगाडि छन् ।
हाल उमाकुण्ड गाउँपालिका र गोकुलगंगा गाउँपालिकाको दुई वडा (१ र २) को गणना सकिँदा १७ सय ५५ मतले अग्रता लिएका छन् ।
तामाङले ५ हजार ८८ मत पाउँदा उनका निकटतम प्रतिद्वन्द्वी एमालेका कैलाश ढुङ्गेलले ३ हजार ३ सय ३३ मत पाएका छन् ।
त्यस्तै राप्रपाका उम्मेदवारले ४ सय ६७ मत ल्याएर तेस्रो हुँदै पछ्याइ रहेका छन् । अहिले गोकुलगंगाको वडा नं ३ रस्नालुको मत गणना जारी छ ।
गोकुलगंगा गाउँपालिका कान्छारामको गृह पालिका समेत हो ।
