२३ पुस, रामेछाप । राष्ट्रिय सहकारी महासङ्घका सञ्चालक एवं नेफ्स्कुनका निवर्तमान अध्यक्ष डि‍वी बस्नेतले शूसासित् सहकारी सञ्चालन गर्न आग्रह गरेका छन् । उनले गलत तरिकाले सञ्चालित सहकारीहरू छानी–छानी कारबाही गर्न चेतावनी सहितको निर्देशन दिएका छन् । 

शनिवार मन्थलीमा आयोजित रामेछाप जिल्ला बचत तथा ऋण सहकारी सङ्घको १५ औँ वार्षिक साधारण सभालाई सम्बोधन गर्दै महासङ्घका सञ्चालक समिति सदस्य बस्नेतले यस्तो बताएका हुन् । 

उनले सुशासित सहकारी आजको आवश्यकता रहेको भन्दै राम्रो काम गर्ने सहकारीहरू अनुगमन देखि नडराउने जिकिर गरे । 

चाँडै हुन लागेको जिल्ला स्तरियक सहकारीहरूको अनुगमन समितिले कडा अनुगमन गरी गलत तरिकाले चलेका सहकारीहरूलाई खारेज गरिदिन निर्देशन समेत दिए ।

उनले भने ‘अध्यक्षले राम्रोसँग अनुगमन÷कारबाहिर गर्नु भएन भने हामी आएर कारबाही गर्छौँ ।’ उनले थपे क्वान्टिटि मेम्बर लिएर बस्ने हैन । क्वालिटी मेम्बर बनाएर बस्ने हौँ ।

नेपाल सरकारको समस्या ग्रस्त सहकारी व्यवस्थापन समितिका सदस्य समेत रहेका बस्नेतले आउँदो १८ गते सम्म नवीकरण नहुने सकहारीहरु महासङ्घले खारेज गर्न लागेको जानकारी दिँदै अब सहकारीहरू सही तरिकाले चल्न सुझाए । ‘सिस्टममा चल्ने हो । गलत तरिकाले चल्नेहरूको दिन गए अब ।’

के के भने बस्नेतले भिडिओमा हेर्नुहोस् ।