६ माघ, रामेछाप । रामेछापको उमाकुण्ड गाउँपालिका वडा नं ७ भुजीका एक युवालाई ट्रकले ठक्कर दिँदा घटना स्थलमै ज्यान गुमाएका छन् । 

ज्यान गुमाउनेमा उमाकुण्ड गाउँपालिका ७ भुजी घर भएका वेदबहादुर सुनुवारका छोरा स्मायल सुनुवार रहेका छन् । 

बा ८६ प ९७६५ नम्बरको मोटरसाइकलमा सवार सुनुवारलाई यूपी ७८ एफसी १८४८ नम्बरको भारतीय ट्रकले गत बुधवार ठक्कर दिएको मनोज कुमार सुनुवारले रामेछाप टाइम्सलाई जानकारी दिए । ‘घटना स्थलमै अन्दस्पट् डेथ भएको हो दुखित हुँदै सुनुवारले रामेछाप टाइम्सलाई भने ।’

काठमाडौँ स्थित गोकर्णेश्वार नगरपालिका ५ शिव चोक बारी कोरिडोर क्षेत्रमा बिहान ११ बजेको समयमा सुनुवारलाई ट्रकले एक्कसी ठक्कर दिएको थियो । 

ठक्कर दिने ट्रक चालक भारत सुल्लानापुर जिल्ला हनुमान नगर घर भई हाल काठमाडौँको थली मदुवार बस्दै आएका ३० वर्षीय मनोज कुमारलाई बौद्ध प्रहरीले नियन्त्रणमा लिएर अनुसन्धान सुरु गरेको छ ।