७ माघ, रामेछाप । नेकोस बागमती प्रदेश कमिटीको आयोजनामा मन्थलीमा जारी प्रदेश स्तरीय भलिबल खेलमा सिन्धुपाल्चोक तेस्रो भएको छ । 

शनिवार आज बिहान ८ बजेदेखि भएको खेलमा सिन्धुपाल्चोकले धादिङलाई हराउँदै तेस्रो बनेको हो । योसँगै सिन्धुपाल्चोकले तेस्रो पुरस्कार नगद ५० हजार शिल्ड, मेडल र प्रमाणपत्र प्राप्त गर्ने भएको छ । पुरस्कार वितरण तथा खेल समापन सभालाई सम्बोधन गर्न नेकपा (एमाले) स्थायी कमिटी सदस्य भानुभक्त ढकाल मन्थली  आइसकेका छन् । उनी आज बिहानै मन्थली आएका हुन् ।  उनलाई एमाले रामेछापले स्वागत गरेको छ । 

अब प्रथम र द्वितीय स्थानको लागि दिउँसो केही बेरमा रामेछाप र चितवन खेल्दै छन् ।

शुक्रवार भएको सेमिफाइनल खेलमा धादिङमाथि रोमाञ्चक जित निकाल्दै रामेछाप फाइनल पुगेको हो । भने, तेस्रो भएको सिन्धुपाल्चोकलाई गराउँदै पाहुना टोली चितवनले पनि फाइनल यात्रा तय गरेको हो ।

बागमती प्रदेशका १३ जिल्ला मध्ये ११ टिम सहभागी खेल लिक कम नक आउट ‘बेस्टप फाइभ’ सिस्टममा खेलाइँदै छ । 

प्रतियोगिताको विजेता प्रथम टोलीले २ दुई लाख नगद, शिल्ड, मेडल र प्रमाणपत्र प्राप्त गर्ने छ । 

त्यस्तै दोस्रो हुने टिमले नगद १ लाख नगद, शिल्ड, मेडल र प्रमाणपत्र पाउने छ । भने, नगद ३० हजार शिल्ड, मेडल र प्रमाणपत्र सान्त्वना हुने टिमले पाउने छन् ।

आयोजकले खेलमा सहभागी टिमलाई नगद २५–२५ हजार प्रत्येक टिमलाई उपलब्ध गराउने जनाएको हो ।