९ चैत,रामेछाप । तेस्रो सुनापति ‘अध्यक्ष कप’ जिल्ला स्तरिय अन्तरपालिका भलिबल र ब्याड्मेन्टन प्रतियोगिताको उपाधि लिखु तामाकोशी गाउँपालिकाले उचालेको छ । 

गत चैत ५ गतेदेखि पालिकाको हिलेदेवीमा भएको प्रतियोगितामा लिखु तामाकोशी गाउँपालिकाको टिमले भलिबलतर्फको उपाधि हाँसिल गरेको पालिकाका प्रमुख प्रशासकिय अधिकृत कमलराज श्रेष्ठले रामेछाप टाइम्सलाई जानकारी दिए । 

निकै रोमाञ्चक बनेको खेलमा गोकुलगंगा गाउँपालिकालाई पछि पार्दै लिखु तामाकोशीले जिल्लाकै सर्वाधिक पुरस्कार राशीको प्रतियोगितामा बिजेता हाँसिल गरेको हो । योसंगै लिखुले नगद २ लाखसहित ट्रफि, मेडल र प्रमाणपत्र पाएको छ ।

त्यस्तै दोस्रो हुने गोकुलगंगा गाउँपालिकाले नगद १ लाखसहित ट्रफि, मेडल र प्रमाणपत्र पाएको छ ।

यसैबीच रामेछाप नगरपालिका तेस्रो बनेको छ। उसले नगद ५० हजारसहित ट्रफि, मेडल र प्रमाणपत्र पाएको छ ।

सुनापति गाउँपालिकाको कृषि,पर्यटन प्रवर्धन गर्ने उद्देश्यले संचालन गरेको जिल्ला स्तरिय भलिबल प्रतियोगितामा सान्त्वना बन्दै खाँडादेवी गाउँपालिकाले नगद २५ हजारसहित ट्रफि, मेडल र प्रमाणपत्र पाएकोमा चित्त बुझाएको छ। 

खेलमा ८ टिमसहभागी रहेको थियो । प्रतियोगितामा बिजेता टोलीलाई बागमती प्रदेशका युवा तथा खेलकुद मन्त्री रत्न ढकालले पुरस्कार प्रदान गरेका छन् । 

त्यस्तै  विभिन्न विधिमा समेत लिखु तामाकोशी गाउँपालिकाकै खेलाडीहरुले उत्कृष्ठ हुदै सम्नानित् भएका छन् ।