२३ वैशाख, रामेछाप । रामेछापको सुनारपानीमा एक जना पुरुष मृत अवस्थामा भेटिएका छन् । मन्थली ५ सुनारपानी स्थित टारबारी भन्ने स्थानमा गए राति ९ बजे उनी मृत भेटिएको जिल्ला प्रहरी कार्यालय रामेछापले जनाएको हो । 

मृत भेटिनेमा ‘सन्दीप’ भनेर चिनिने अन्दाजी ३८ वर्षीय निरबहादुर रोक्का रहेको जिल्ला प्रहरी कार्यालय रामेछापका प्रहरी निरीक्षक एवं प्रवक्ता रञ्जन गिरीले रामेछाप टाइम्सलाई बताए । ‘शवलाई पोस्ट मार्टमको लागि मन्थली अस्पतालमा राखिएको छ । घटना त्यस्तो शङ्कास्पद देखिएको छैन । मृतले मद्यपान सेवन गर्ने गरेको पाइएको छ ।’

रोक्काको शव स्थानीयहरूले देखेपछि शनिवार अबेर प्रहरीले खबर आएको प्रहरी निरीक्षक गिरीको भनाई छ । अहिले मृतकको पोस्ट मार्टम गर्ने तयारी भइरहेको प्रहरीको भनाई छ ।