९ चैत, रामेछाप । तेस्रो सुनापति गाउँपालिका ‘अध्यक्ष कप’ भलिबल तथा ब्याड्मेन्टन प्रतियोगिताको ब्याड्मेन्टन तर्फको पुरुषतर्फ खाँडादेवी गाउँपालिका प्रथम बनेको छ ।

त्यस्तै महिलातर्फ दोरम्बा शैलुङ् गाउँपालिका प्रथम बनेको छ । उनीहरुले प्रथम पुरस्कार समान नगद १५–१५ हजार सहित ट्रफि, मेडल र प्रमाणपत्र पाएका छन् । 

त्यस्तै पुरुषतर्फ दोस्रो रामेछाप नगरपालिका, तेस्रो दोरम्बा शैलुङ् गाउँपालिका भएको छ, भने सान्त्वना आयोजक सुनापति गाउँपालिका आफै बनेको छ । 

उता महिलातर्फ मन्थली नगरपालिका दोस्रो, आयोजक सुनापति गाउँपालिका कर्मचारी टिम तेस्रो बनेका छन्, भने सान्त्वना पनि सुनापति गाउँपालिकाकै अर्को एक टिम बिजयी बनेको छ।

खेलमा द्वतिय, तृतिय र सान्त्वना हुने महिला र पुरुष दुवै टिमले क्रमशः नगद १० हजार, ५ हजार र २५ सय रुपैयाँको साथमा ट्रफि, मेडल र प्रमाणपत्र पाएका छन् । 

साथै महिला र पुरुष दुवै टिमबाट एक एक जना उत्कृष्ठ खेलाडी घोषित् भएका छन् ।