एमाले रामेछापले पार्टी कार्यालय भवन निर्माण अगाडि बढाउने
जिल्ला कमिटी बैठक । तस्बिर फाइल ।
२३ पुस, रामेछाप । नेकपा एमाले रामेछापले पार्टी कार्यालय भवन निर्माणको काम अगाडि बढाउने भएको छ ।
गत बिहीबार र शुक्रवार २ दिन बसेको पार्टीको ७ औँ पूर्ण बैठकले तत्काल पार्टी कार्यालयको भवन निर्माणको काम अगाडि बढाउने निर्णय गरेको नेकपा एमाले रामेछापले जनाएको छ ।
पार्टी कार्यालय बनाउनको लागि एमालेले मन्थली स्थित आकाशेमा पार्टीको नाममा रहेको जग्गा पहिले रहेको जनाइएको छ । सोही ठाउँमा भवन निर्माण गर्ने एमालेको तयारी छ ।
