७ फागुन, रामेछाप । मन्थली नगरपालिका वडा नं २ मा एकै दिन दुई वटा मन्थली उद्घाटन गरिएको छ । एउटै वडा भित्र मन्थली नगरपालिका र वडाको लागत साझेदारीमा निर्मित मन्दिरको नगरप्रमुख र वडा अध्यक्षले उद्घाटन गरेका हुन् । 

शनिवार महाशिवरात्रीको अवसरमा करम्बोटमा निर्मित शिव मन्दिरको वडा अध्यक्ष समेतको उपस्थितिमा नगर प्रमुख लब श्रेष्ठले उद्घाटन गरेका हुन् । त्यस्तै सोही दिन सोही वडाको टेकानपुरमा  निर्मित कुशेश्वर महादेव मन्दिरको जोगिकोकुटीको अध्यक्ष सुरेन्द्र कार्कीले उद्घाटन गरेका हुन् । 

मन्थली नगरपालिकाको आर्थिक सहयोग तथा वडा नं २ को समन्वयमा दुवै मन्दिर बनेका हुन् । विभिन्न कारणले जीर्ण अवस्थामा पुगेका मन्दिरको स्थानीयहरूको पहलमा वडा र नगरको सहयोग पछि पुनः निर्माण गरिएको वडा अध्यक्ष कार्कीले रामेछाप टाइम्सलाई जानकारी दिए । 

टेकानपुरमा जीर्ण अवस्थामा पुगेको मन्दिर समिति मार्फत बनाइएको हो । निर्माण समितिका अध्यक्ष प्रदीप कार्कीले जीर्ण अवस्थामा रहेको मन्दिर तोकिएको समयमा निर्माण सम्पन्न गर्दै सुन्दर बनाएका हुन् । 

महाशिवरात्रिका दिन विशेष पूजापाठ सहित मन्दिर उद्घाटन गरिएको हो ।