राष्ट्रिय फोटो पत्रकार समूह नेपालका केन्द्रीय अध्यक्ष वन्त नगद सहित सम्मानित
तस्बिर स्रोत वन्तको फेसबुक ।
७ फागुन, रामेछाप । राष्ट्रिय फोटो पत्रकार समूह नेपाल (एनएफपीजे) का केन्द्रीय अध्यक्ष प्रदीपराज वन्त नगद सहित सम्मानित भएका छन् । उनलाई नगद ११ हजार एक सय ११ रुपैयाँ सहित सम्मान गरिएको हो ।
राष्ट्रिय समाचार समिति (रासस) का सिनियर फोटो पत्रकार वन्तलाई ७४ औँ प्रजातन्त्र दिवस पारेर प्रदेश खबर डटकमको प्रथम वार्षिकोत्सवमा नगद र प्रमाणपत्रले सम्मानित गरिएको हो ।
फोटो पत्रकारिताको माध्यमबाट पुर्याएको योगदानको उच्च मूल्याङ्कन गर्दै प्रतिनिधिसभाका उपसभामुख इन्दिरा रानाको हातबाट सम्मान प्रदान गरिएको हो ।
वन्त काठमाडौँमा रहेर राजनीतिलगायत विभिन्न विधामा फोटो पत्रकारिता गर्छन् । उनी गोरखा पत्रकार समाजका अध्यक्ष पनि हुन् ।
