भोलि मन्थलीको सालु-गैरथोक-च्याउके ठाँटी-कटुन्जे-सामलथान लगायतको रुटमा विद्युत् ‘सट डाउन’ हुने
फाइल फोटो ।
२६ भदौ, रामेछाप । नेपाल विद्युत् वितरण केन्द्र रामेछापले भोलि बुधवार मन्थली नगरपालिकाका विभिन्न स्थानमा बत्ती नबल्ने जनाएको छ । यसरी सट डाउन हुँदा दिनभर जसो नगर क्षेत्रको विद्युत् आपूर्तिमा समस्या हुने प्राधिकरणले भनेको हो ।
मङ्गलवार एक सूचना मार्फत रामेछाप वितरण केन्द्र मन्थलीले बुधवार च्याउकेठाँटी, कटुन्जे, सालु, गैर थोक, सामलथान,कबिलाश रुट ‘सट डाउन’ हुने जनाएको हो । प्राधिकरणको रामेछाप फिडर अन्तर्गत पर्ने उक्त स्थानको रुटमा बुस कटिङ (रुख काट्ने काम) गर्नु पर्ने भएकाले सट डाउन गर्न लागेको जनाएको छ ।
प्राधिकरणले बिहानको ६ देखि १० बजे भित्र र १० बजेदेखि साँझ ७ बजेसम्म दुई समयमा बिद्युत् कटौती हुने जनाएको हो ।
